STEM as Gaeilge

Eolaíocht, Teicneolaíocht, Innealtóireacht agus Matamaitic a chur chun cinn trí mheán na Gaeilge.

ETIMirí

Faoin Togra

Maoinithe ag Taighde Éireann, is togra é STEM as Gaeilge a bhfuil sé mar aidhm aige STEM a chur chun cinn i measc phobal labhartha na Gaeilge. Tá spéis againn i raon leathan d’iarrachtaí bainteach leis an teanga a chur chun cinn i STEM agus réimsí gaolmhara, do scoláirí agus daoine fásta ach go háirithe; teagasc, taighde, for-rochtan, agus polasaí a fhorbairt ina measc.

“Is teanga bheo í an Ghaeilge, agus tá sé riachtanach go mbeimis in ann cúrsaí STEM – a bhaineann linn ar fad – a phlé inti.”

Imeachtaí bainteach le STEM agus le Gaeilge

Má fhreastalaíonn tú ar imeacht STEM as Gaeilge, bheimis buíoch más féidir leat foirm aiseolais a líonadh isteach.

Dáta Imeacht Áit
14 Bealtaine 2026 ag 11:00 Maidin caife STEM as Gaeilge
Deis dóibh siúd sna réimsí STEM agus ar mhaith leo níos mó Gaeilge a úsáid. Is féidir linn smaointe, constaicí, foclóir, nó fiú cúrsaí gramadaí a phlé! Chomh maith, ar ndóigh, le bualadh le daoine eile a bhfuil cúpla focal acu..		 An Club Foirne, Quad, Ollscoil na Gaillimhe
15 Bealtaine 2026 Lá Eolais: Clár Faisnéise STEM as Gaeilge
Coimisiún €40,000 ar fáil le haghaidh scannánóirí a bhfuil spéis acu clár faisnéise STEM as Gaeilge a léiriú. Deis anseo dóibh casadh le taighdeoirí a bhfuil spéis acu a gcuid scéalta a roinnt.		 CREW Creative Enterprise West, Wellpark Road, H91 8K85
18 Bealtaine 2026 Oíche Ólaíochta i mBaile Átha Cliath
Mar chuid den fhéile idirnáisiúnta Pint of Science, téann taighdeoirí agus léachtóirí go dtí an pub chun cuir i láthair gearra a dhéanamh, dírithe ar lucht éisteachta nach saineolaithe iad, ar ghné éigin dá gcuid taighde. Fáilte roimh chách.		 Anseo, 18 Sr. Camden Íochtar, Baile Átha Cliath D02 WK72
19 Bealtaine 2026 Oíche Ólaíochta i gCorcaigh
 The Roundy, 1 Sr. an Chaisleán, Corcaigh T12 RX09
20 Bealtaine 2026 Oíche Ólaíochta na Gaillimhe
 Club Áras na nGael, 45 Sr. Dominic Íochtar, Gaillimh, H91 E1NY
21 Bealtaine 2026 Oíche Ólaíochta i gConamara
 Tigh Chualáin, Indreabhán, Gaillimh, H91 P654
16 Meitheamh 2026 Comhrá le CÚRAM
Deis casadh le muintir CÚRAM agus na cúpla focal a úsáid. Is féidir foghlaim faoin taighde atá ar bun san institiúd, nó féidearthachtaí tuilleadh Gaeilge a úsáid a phlé, nó cibé rud gur mian libh! Fáilte roimh chách.		 Foirgneamh Taighde na nEolaíochtaí Bitheacha, Ollscoil na Gaillimhe
9 Meán Fómhair Lá na gCumann
Más scoláire thú, tig leat casadh le scoláirí eile a bhfuil spéis acu i STEM agus Gaeilge, ceisteanna a chur orthu, agus clárú le haghaidh an mailing list s’acu.		 Lasmuigh d’Áras na Mac Léinn, Ollscoil na Gaillimhe
15 Meán Fómhair ó 18:00-19:00 Grúpa Fócais le Taighde Éireann
Mar chuid den suirbhéireacht a dhéanann Taighde Éireann, eagraíonn siad grúpaí fócais le fáil amach faoi tuiscint agus tuairimí an phobail ar cad atá i gceist le “taighde” agus an tionchar a bhíonn aige ar an saol laethúil. Seo an chéad cheann as Gaeilge a bheas acu. Cláraigh.
 Acadamh na hOllscolaíochta Gaeilge, Carna, H91 F343, Gaillimh
15 Meán Fómhair ó 20:00-23:00 Oíche Shóisialta STEM as Gaeilge
Deis casadh le daoine eile a bhfuil spéis acu sa STEM agus sa Ghaeilge, le haghaidh cúpla deoch agus comhráite spéisiúla.		 Club Áras na nGael, H91 E1NY, Gaillimh
22 Meán Fómhair ó 13:00-14:00 Tae agus Plé leis na Timirí STEM as Gaeilge
Don chéad imeacht sa sraith Léachtaí le linn Lóin, bígí linn le haghaidh beagáinín cabaireachta leis na hETIMirí, scoláirí a eagraíonn imeachtaí STEM as Gaeilge in Ollscoil na Gaillimhe le linn na bliana.		 ADB-G021, Áras de Brún, Ollscoil na Gaillimhe
24 Meán Fómhair ó 18:00 Seoladh Flóra na hÉireann & Seoladh Turas COGG
Seoladh dhá acmhainn ón gComhairle um Oideachas Gaeltachta agus Gaelscolaíochta		 Óstán Chois Fharraige, Na Forbacha, Gaillimh

Bí i dteagmháil linn

Tá fáilte romhat ríomhphost a chur chuig fintan.hegarty@universityofgalway.ie le haghaidh tuilleadh eolais.