Comórtas Scoile

I gcomhpháirtíocht lenár gcairde i gCOGG (An Chomhairle um Oideachas Gaeltachta agus Gaelscolaíochta), tá comórtas Mo Laoch STEM á reáchtáil chun daltaí a spreagadh chun iniúchadh a dhéanamh ar ghairmeacha a bhaineann le heolaíocht, teicneolaíocht, innealtóireacht, mata, agus ábhair gaolmhara, agus an ar an gcaoi ina mbaineann daoine úsáid as na hábhair sin ina gcuid oibre. Beidh searmanas bronnta in Ollscoil na Gaillimhe le linn Seachtain na hEolaíochta.

Is féidir na póstaer thíos a íoslódáil dá mbeifeá sásta an t-eolas a roinnt.

Spriocdháta
Ní ghlacfar le hiarratais tar éis 23ú Deireadh Fómhair.

Searmanas Bronnta
Am & Dáta: 11:30-13:30, Dé Luain an 9ú Samhain
Áit: Téatar Uí Chearbhalláin, Áras na Gaeilge, Ollscoil na Gaillimhe
Aoichainteoirí: Le deimhniú

Catagóir
Rang 3 – Rang 4
Rang 5 – Rang 6
Bliain 1 – Bliain 3
Bliain 4 – Bliain 6
Rang/Scoil Speisialta

Duaiseanna (in aghaidh chuile catagóir)

• An Chéad Duais: Micreascóp don scoil.
• An Dara Duais & An Tríú Duais: Fearais mhicreabit don scoil – sonraí le deimhniú.
• Teastas le haghaidh chuile dalta a bhí páirteach.

1. Roghnaigh do laoch ETIM (eolaíocht, teicneolaíocht, innealtóireacht, mata): duine a bhfuil aithne agat air/uirthi, duine mór le rá, nó duine ón stair.

2. Déan taighde orthu agus cruthaigh póstaer, cur i láthair, físeán nó beochan as Gaeilge a insíonn dúinn:

• Cén ról atá ag an duine sin?
• Cén fhadhb a ndéanann an duine sin iniúchadh uirthi nó a chabhraíonn an duine le réiteach?
• Conas a úsáideann an duine sin ETIM?
• Cad iad na scileanna atá tábhachtach i gcuid oibre an duine sin?
• Cén tionchar a bhíonn ag obair an duine sin ar dhaoine, ar an tsochaí nó ar an gcomhshaol?
• Cad é an rud ba spéisiúla nó ba mhó iontas a fuair tú amach faoin ról?

3. Iarr ar do mhúinteoir an iontráil a chur isteach roimh 23 Deireadh Fómhair.

Tá an fhoirm iontrála ar fáil anseo.
Caithfear cuntas gmail a úsáid chun cáipéis a uaslódáil leis an bhfoirm.
Má bhíonn ceisteanna nó deacrachtaí agaibh, is féidir rphost a chur chuig stemasgaeilge[ag]gmail[ponc]com.

Tá an comórtas oscailte do dhaltaí ó Rang 3 go Rang 6, ó Bhliain 1 go Bliain 6, agus do ranganna agus scoileanna speisialta.

Is iad na catagóirí ná: Rang 3-4, Rang 5-6, Bliain 1-3, Bliain 4-6, Rang/Scoil Speisialta.

Is féidir iontráil aonair nó iontráil ghrúpa a chur isteach. Ní mór do mhúinteoir a bheith luaite le gach iontráil.

Ní mór an iontráil a uaslódáil mar chomhad amháin: Póstaer nó sleamhnáin cur i láthair i bhfoirm .pdf nó físeán nó beochan i bhfoirm .mp4 (uasmhéid 2 nóiméad)

Caithfidh gach iontráil a bheith as Gaeilge amháin.

Caithfidh an obair a bheith déanta ag na daltaí féin. Is fiú na foinsí a d’úsáid tú a lua.

Ná cuir sonraí pearsanta daltaí (sloinne, seoladh srl.) san iontráil. (Is féidir na hainmneacha a chur sa bhfoirm iontrála, ar ndóigh, ar mhaithe le teastais srl.) Ní mór cead tuismitheora a bheith ag an scoil má bhíonn daltaí le feiceáil i bhfíseán nó i ngrianghraf.

Déanfar moltóireacht de réir na gcritéar seo: Tuiscint ar ETIM; Taighde & Fiosrú; Samhlaíocht & Cruthaitheacht; Cur i Láthair agus Soiléireacht. Is é cinneadh na moltóirí an cinneadh deiridh.

Dáta deiridh: 23 Deireadh Fómhair 2026. Ní ghlacfar le hiontrálacha déanacha.

Beidh na hiontrálacha le feiceáil go poiblí ar etim.ie.

Tabharfar cuireadh do na buaiteoirí chuig searmanas bronnta duaiseanna in Ollscoil na Gaillimhe le linn Sheachtain na hEolaíochta, ar an 9ú Samhain.

Má bhíonn deacrachtaí agat, cuir ríomhphost chuig stemasgaeilge@gmail.com.

Beidh na hiontrálacha ar fad ar fáil anseo tar éis an spriocdháta.