Lá na Matamaitice as Gaeilge

12 Deireadh Fómhair

Ollscoil na Gaillimhe

Mar chuid de Seachtain Mhatamaitice 2025, beidh Lá Matamaitice as Gaeilge in Ollscoil na Gaillimhe, ar an 12 Deireadh Fómhair.

Séard a bheas ann ná:

Cuir i láthair ar réimse leathan ábhair matamaitice, dírithe ar lucht éisteachta nach saineolaithe iad.
Seisiún plé ar na féidearthachtaí an Ghaeilge a chur chun cinn sa Mhata.
Oíche Ólaíochta – imeacht for-rochtana ina rachaidh siúd againn a bheas fós thart go dtín bpub chun cúpla cur i láthair eile a dhéanamh i suíomh níos réchúisí fós.

Reáchtálfar na seisiúin i rith an lae go hibrideach – nasc Zúm thíos.

Líon isteach an fhoirm cláraithe seo más spéis leat a bheith linn i bpearsa ar an lá (tábhachtach ó thaobh cúrsaí lónadóireachta de!) nó cur i láthair a dhéanamh mar chuid den Oíche Ólaíochta, le do thoil: https://tinyurl.com/claru-la-na-mata

Má tá topaic ar leith gur mhaith leat a ardú roimh an Seisiún Plé, tig leat é a lua ar an bPadlet seo: https://tinyurl.com/padlet-la-na-mata

NASC ZÚM

(Pasfhocal, más gá: “gaeilge”)

10:00-10:30		Clárú agus Caife in Áras na Gaeilge, Ollscoil na Gaillimhe
10:30-11:00		Fáilte
11:00-11:30	Aonghus Ó hAlmhain	Ceatharnín sa Spás
11:30-12:00	Donncha Ó hEallaithe	Dúshláin i dteagasc na matamaitice ag an triú leibhéal
12:00-12:30	Tríona Nic Fhinn	Tionscadail agus Tacaíochtaí an Chomhairle um Oideachas Gaeltachta agus Gaelscolaíochta
12:30-14:00		Seisiún plé agus Lón
14:00-14:45	Kevin Scannell	Teoiric na Fáisnéise agus an Ghaeilge
14:45-15:00	Lily Ní Leathlobhair	Teoirim Phíotagaráis ó Uillinn Dhifriúil
15:00-15:30	David Stifter	Conas a choincheapaítear uimhreacha sa tSean Ghaeilge
15:30-16:00	Leo Creedon	Ag Nochtadh an Fhírinne: Scéal Matamaiticiúil Faoi Sholas agus Eolas
16:00-16:30	Fintan Hegarty	Modúl Mata nua as Gaeilge – Bád a chur i bhfarraige.
16:30-17:00		Bronnadh Dhuais Christofides

19:30-21:00	Ciara Egan, Cathal Seoighe, Rachel Quinlan	Oíche Ólaíochta i gClub Áras na nGael
21:00-		Seisiún ceoil

BÍGÍ AIRDEALLACH:
Beidh na seisiúin lae ar siúl in ÁRAS NA GAEILGE ar champas na hOllscoile.
Beidh an Oíche Ólaíochta ar siúl i gClub ÁRAS NA NGAEL sa chathair.
Léarscáil thíos – nasc anseo: https://maps.app.goo.gl/kqi4gPfP1eqD2scF7